
Жақсылық жасау – үлкен іс емес, ол шын жүректен шыққан кішкентай қамқорлықтан басталады. ФҚҚ 01-24 топ студенттері «Жақсылық керуені» атты игі шара аясында көшелердің тазалығын қамтамасыз етіп жүрген еңбек адамдарына ыстық шай мен дәмді самса таратып, өз ризашылықтары мен құрметтерін білдірді. Бұл шараның басты мақсаты – қоғам игілігі үшін аянбай еңбек етіп жүрген жандарға көңіл бөліп, оларға аз да болса қуаныш пен жылулық сыйлау. Жақсылық жасау – әрқайсымыздың қолымыздан келеді!
