«Шынықсаң шымыр боласын!»

2019 жылдың қазан айында «Химиялық пәндер» кафедрасының ұйымдастыруымен денсаулық бағдарламасы аясында «Шынықсаң шымыр боласын» атты жоғарғы оқу орындары арасында спартакиада өткізілді. Спартакиадаға ОҚМА-ның фармация факультеті деканы, профессор м.а. Дауренбеков Қанат Нарбекұлы, Қожа Ахмет Ясауи атындағы Халықаралық қазақ-түрік университетінің Шымкент медицина институтының тәрбие жұмысы бойынша декан орынбасары Қожабеков Нұржігіт Абубакирұлы және кафедра профессор оқытушылар құрамы, Жастар комитетінің өкілі Тасжанов Б. Және студенттер қатысты.

Алғы сөзді фармация факультетінің деканы Дауренбеков Қанат Нарбекұлы алып, іс-шараның маңыздылығымен таныстырды және қатысушыларға сәттілік тіледі.

Жарысқа Қожа Ахмет Ясауи атындағы Халықаралық қазақ-түрік университетінің Шымкент медицина институты атынан «Форсаж» тобы, Оңтүстік Қазақстан медицина академиясының атынан «Барс» тобы қатысты.

Жарыс соңында жарысқа қатысушы студенттер сыйлықтар мен мадақтамалармен марапатталды.